Author: Frode Sørensen

Korleis skal Nomil sine abonnentar sortere kle til ombruk og tekstilavfall til gjenvinning?

Korleis skal Nomil sine abonnentar sortere kle til ombruk og tekstilavfall til gjenvinning?

Frode Sørensen

Reine, heile og tørre klede, tekstilar og sko som kan ombrukast slik dei er (eller med små reparasjonar, som t.d. å sy i knappar), skal leverast til ombruk. Uff, Fretex, Fileks og andre aktørar har innsamlingstårn på fleire sentrale stadar i regionen, og på nokre av gjenvinningsstasjonane våre. Elles finst det lokale ombruksbutikkar og loppemarknader som gjerne tek imot ombruksklede/-tekstilar.

NB! Nomil kjem til å legge til rette med eigne containere for øydelagde kle og tekstilar for gjenvinning på alle stasjonane våre, men i påvente av ei tilfredsstillande nedstrøms løysing vil desse ikkje bli tatt i bruk endå.
Fram til det finnast aktørar som tek i mot slikt avfall i større skala, vert klede som er utslitne eller heilt øydelagde framleis bli sortert som restavfall på Nomil sine stasjonar. Dvs. at du kan kaste det i restavfallsdunk du har heime, levere det som restavfall på ein av våre stasjonar, evt lagre det sjølv til ei ordning er på plass.
Fleire selskap jobbar med å utvikle løysingar for materialgjenvinning, men når dette er ein realitet er ikkje tidfesta.

Meir info kjem så snart det er ei løysing på plass…

Bilete av eksempel på nedsnødde dunkar

Hjelp våre renovatørar.

Frode Sørensen
Det er kjekt med snø, men det fører også med seg ein del utfordringar for dei som har jobben sin ute.
 
No treng renovatørar over heile landet hjelp frå deg!
Mangelfull brøyting, strøing og innesnødde dunkar er årsaker som kan medføre at vi ikkje får tømt dunkane dine på slike dagar.
 
Slik kan du bidra:
-Måk frå avfallsdunken til vegen
– Fjern eventuelle brøytekantar
– Børst vekk snø frå lokket på avfallsdunken
– Strø frå avfallsdunken til vegen
– Sett avfallsdunken med handtaket ut mot vegen.
 
Vi set enorm stor pris på alle som bidreg til å gjere arbeidsdagen til renovatørane tryggare og litt lettare.
Takk for hjelpa 💚
Bilete av avfall frå brukt fyrverkeri

Korleis sortere fyrverkeri?

Frode Sørensen
Kva skal du gjere med fyrverkeriet som står igjen etter nyttårsfeiringa?
 
Brukt fyrverkeri skal sorterast som restavfall.
Udetonert fyrverkeri må ikkje kastast i restavfallet, og det kan heller ikkje leverast til gjenvinningsstasjonen. Det ubrukte fyrverkeriet skal du levere tilbake til butikken der du kjøpte det, og butikken tek ansvar for å sende det vidare til importøren. Det kan henda at forhandlaren selde fyrverkeriet på utsida av butikken, men butikken er framleis ansvarleg for å ta imot det.
 
Ubrukt eller udetonert fyrverkeri skal behandlast som eksplosjonsfarleg avfall og skal ikkje leverast på gjenbruksstasjon. Eksplosjonsfarleg avfall skal leverast tilbake til butikken der du kjøpte det, eller til ein butikk som sel same type produkt.
 
Er du usikker på kvar du kan levere, ta kontakt med politiet på 02800.
Bilete av avfall frå brukt fyrverkeri
Bilete av avfallssekk med julepapir

Opningstider og innlevering av julepapir i romjula

Frode Sørensen
 
 
I romjula og første veka etter nyttår tek vi i mot julepapir, papp og papir kostnadsfritt, på følgjande vilkår:
– gjennomsiktige sekkar som berre inneheld julepapir
– levering innanfor gjenbruksstasjonane si opningstid
 
Gjenbruksstasjonane har følgande opningstider i romjula/nyttår:
Måndag 23.12
– Sandane, Eidsmona – stengt
– Florø, Purkehola – stengt
– Måløy, Vedvik – stengt
 
Tysdag 24.12
– Stryn, Svarstad – stengt
– Eid, Haugen – stengt
– Selje – stengt
 
Onsdag 25.12
– Florø, Purkehola – stengt
– Bremanger, Smørhamn – stengt
 
Torsdag 26.12
– Sandane, Eidsmona – stengt
– Stryn, Svarstad – stengt
– Florø, Purkehola – stengt
– Måløy, Vedvik – stengt
– Eid, Haugen – stengt
 
Måndag 30.12
– Sandane, Eidsmona – 12:00 – 18:00
– Florø, Purkehola – 13:00 – 19:00
– Måløy, Vedvik – 12:00 – 18:00
 
Tysdag 31.12
– Stryn, Svarstad – stengt
– Eid, Haugen – stengt
– Selje – stengt
 
Onsdag 01.01
– Florø, Purkehola – stengt
– Bremanger, Smørhamn – stengt
 
Torsdag 02.01
– Sandane, Eidsmona – 15:00 – 19:00
– Stryn, Svarstad – 12:00 – 19:00
– Florø, Purkehola – 10:00 – 15:00
– Måløy, Vedvik – 11:00 – 17:00
– Eid, Haugen – 12:00 – 17:00
 
I romjula er kontor/sentralbord betjent frå 10:00 – 14:00 
 
God jul 😊🎄
Pyntebilete

Forbod mot levering av svarte og farga søppelsekkar

Frode Sørensen

Viser til krav om gjennomsiktige sekkar ved levering av avfall på gjenbruksstasjon frå 1.mars 2020.

Avfall som leverast til gjenbruksstasjonen i sekkar, SKAL leverast i gjennomsiktige sekkar.
Årsaka er myndighetskrav om auka og strengare mottakskontroll ved alle avfallsanlegg rundt om i landet.

Utfordring med avfall i svarte sekkar, er at vi då ikkje har kontroll på om sekkane inneheld til dømes elektronisk avfall, sprayboksar, batteri eller anna risikofylt avfall som kan skape farlege situasjonar for tilsette, miljø og utstyr.

Det er blitt betre, men vi opplever at det framleis vert levert for mykje avfall i svarte sekkar. Vil difor minne om at det KUN er lov å levere avfall i gjennomsiktige sekkar, eller laust på hengar/bil.

Operatørane på stasjonane våre vil ha ekstra fokus på dette i tida framover, og avfall i svarte sekkar vil bli avvist evt opna og bedt sortert på nytt.

Blanke avfallssekkar finn ein for sal i dei fleste daglegvarebutikkane.

Takk for at alle bidreg til eit betre og tryggare miljø:-)

Ei minnerik adventstid for heile familien

Ei minnerik adventstid for heile familien

Frode Sørensen

 

Det finst alternativ om ein er lei av dyre gåvekalenderar med småting som fort vert boss. Kanskje barna (òg dei vaksne) vil setje meir pris på ein adventsaktivitetkalender?

For mange er gåvekalender både stressande å handle inn og dyrt for lommeboka. Mange er òg lei av dei små gåvene som anten ikkje vert brukt eller altfor raskt vert øydelagde. Hjå oss ser vi mange øydelagde duppedingsar som kanskje starta sitt liv i ein gåvekalender, men som ikkje heldt god nok kvalitet til å overleve julesesongen ein gong.

Heldigvis finst det gode alternativ, som verken treng vere dyre eller stressande å handle inn. Kva med ein historiekalender, der ein har ei lesestund med ei ny (jule)historie kvar dag? Eller kva med ein kjekk aktivitetskalender, der ein kan skape mange gode minner i lag i førjulstida? Last han ned gratis her:  Gratis og miljøvennleg adventskalender

Så lett lagar du adventskalenderen:

  • 1. Skriv ut kalenderen
  • 2. Klipp ut tala og vel ut 24 av dei aktivitetane. Om du har andre gode idear, kan du skrive dei ned på dei tomme lappane.
  • 3. Set saman aktivitetar og datoar som du sjølv ønskjer.
  • 4. Fest de ferdige lappene saman på ei snor, eller på/i ein kalender de har frå før.
  • Voila! Då kan 1. desember berre komme!

Eit anna billegare og grønere alternativ til vanleg gåvekalender, er ein bruktgåvekalender! Finn morosame eller fine ting i bruktbutikker, loppemarknad eller på finn.no. Sjølv om nokon har brukt tinga før, betyr ikkje det at dei er verdilause, det er berre nokon som har vore glad i dei før deg!

Vi ønskjer dykk ei fin (og grønare) førjulstid!

 

Foto: LOOP

 

Dei er overalt. Men legg du merke til dei?

Dei er overalt. Men legg du merke til dei?

Frode Sørensen

 

Før du har gått heimefrå på morgonen, har du allereie sett dei fleire gongar. Når du set på kaffien, heller mjølk i glaset, smører brødskiver og når du kastar søppelposen i dunken på veg til skule eller jobb

 

Kasteaugeblikket; dei sekunda der du tar valet om du skal sortere – eller ikkje.

Eit augeblikk vi alle har stått i, der det er lett å bli usikker på korleis noko skal kjeldesorterast. Då kan du sjå etter sorteringsmerka – dei finst (nesten) overalt. På potetgullposen, syltetøyglaset og mjølkekartongen finn du merket som gir deg hjelpa du treng, ofte med ein kort hjelpetekst som gjer det lettare å sortere i rett dunk.

Legg merke til merka

Plastemballasje er lilla, glasemballasje lysegrønt, metallemballasje grått og papir er blått. Kvar type materiale har si eiga farge som gjer dei lette å kjenne igjen, gir god lesbarheit og gjer det enklare å sjå kva som skal kvar. Dei same merka som du finn på emballasjen, finn du òg på søppeldunkar heime, på skulen og på arbeidsplassar over heile landet.

Lett å bli litt betre til å kjeldesortere

Sorteringsmerka gjer det enklare å sortere riktig. Finn Sorteringsmerket på emballasjen, så har du svaret i handa alt. Besøk sortere.no om det er noko meir du lurer på. Her kan du søkje etter det du undrar deg over og få raskt svar på spørsmål som kor rein emballasjen skal være, eller kva du gjer med blandingsemballasje.